13 шілде күні Н.Ә.Назарбаевтың «Болашаққа бағдар:рухани жаңғыру» бағдарламалық мақаласы аясында аудандық кітапхана ұйымдастыруымен Абай Құнанбайұлының шығармашылығына арналған 15 сәуір-15 маусым аралығында жарияланған «Өлең – сөздің патшасы, сөз сарасы» атты онлайн байқаудың қорытынды кеші өтті. Шараға аудандық «Қазақ тілі» қоғамының төрайымы Мәриям Жұмағалиева, ҚР білім озаты Күлпаш Есетова, «Нұр Отан» партиясы аудандық филиалының кеңесшісі Амангүл Кабибуллина және Хромтау ауданы ауылдық округтерінің кітапханашылары мен өнерпаздар қатысты. Шара барысында қазақтың ұлы ақыны Абай өмірінен көрініс қойылып, аудандық мәдениет үйінің әншісі Жасұлан Хусаинов Абайдың «Айттым сәлем қаламқас» әнін, өнерпаз Айтқали Жайымов «Шаттық» күйін көрермендерге ұсынды. Үш бағыт бойынша өткен сайыстың жүлдегерлерін аудандық орталықтандырылған кітапханалар жүйесінің директоры Нұртай Жетесов және сайысқа қазылық еткен аудандық «Қазақ тілі» қоғамының төрайымы Мәриям Жұмағалиева, ҚР білім озаты Күлпаш Есетова марапаттады. Сайыстың қорытындысы бойынша «Абайға арнау» номинациясы бойынша І орынды Табантал ауылдық округінің ақыны Алтынбек Ермаханов, ІІ орынды Сарысай ауылынан Айгүл Бұхарбаева мен Тасөткел ауылдық округінен Маржан Әлмұқан иеленсе, ІІІ орынға тассайлық ақын Жақсығали Өтебалин ие болды.…

 Жаз айында кітапханаға оқырмандарды көптеп тартып, бүлдіршіндерді кітап патшалығымен таныстырып, оқуға қызығушылығын тарту мақсатында кітапхана тек мектеп оқушыларымен ғана емес, сонымен қатар балабақшалармен де әрдайым тығыз байланыста жұмыс атқарады. Оның бір айғағы балабақша бүлдіршіндеріне арнап өткізілетін «Балабақша- кітапханаға» атты экскурсия. 12 шілде күні кітапханаға саяхаттап келген № 5 «Ақбота» балабақшасының бүлдіршіндерін балалар бөлімінің кітапханашысы Тамара Сагирқызы кітапхананың бөлімдерімен таныстырып, кітапханада өзін ұстау тәртібінің ережелері туралы, кітаптарға мұқият қарау жөнінде әңгімелеп берді. Кітап әлемінің шынайы кітапшасымен, сыртқы түрлері бойынша ғана емес, көлемі бойынша айырмашылықтары бар – бүктемелі кітапшалар, дыбысты сөйлейтін кітапшалар, әуенді кітапшалар, керме-ашылмалы панорама кітапшалар, ойыншық кітапшалар, бояуға арналған кітапшалар және тағы басқаларымен таныстырылып, балаларға өз бетімен өздерін қызықтырған кітаптарды қарап, беттерін аударуға рұқсат етілді. Қызықты бағдарламаның арқасында мектепалды балалары жақсы көңіл-күй мен оң сезімдерге ие болды. Қоштасарда кітапқа арналған бетбелгілер берілді, ата-аналарымен кітапханаға келіп, оқу үшін өздеріне ұнаған кітапты үйлеріне алуға болатындары жөнінде ұсыныс айтылды.           

 Аудандық кітапхана орталық саябақта Астана күніне арналған \"Астана - 20\" тақырыбында инсталляциялық көрме  жасақтады. Оған \"Бабалар сөзі\" жүз томдығы мен  \"Ақтөбе кітапханасы\" сериясымен шыққан 20 томдық кітаптар орналасты. Сондай-ақ  \"Ұлы дала елі\" тақырыбында Астана қаласының 20 жылдық жетістігінен сыр шертетін кітап көрмесі қойылды. Мерекелік концертке келген қала тұрғындары мен қонақтары көрмені тамашалады.