Елімізде 1989 жылы 22-қыркүйекте «Тілдер туралы» Заң қабылданды. Сол уақыттан бері әр жыл сайын қыркүйек айында Тіл мерекесі атап өтіледі. Жоғарыда тілге тиек етілген құжатта қазақ тілі –  мемлекеттік тіл деген мәртебеге ие болды. Бұл әділетті шешім еді. Біздің ана тіліміз мұндай жоғары құрметке әбден лайық.  Қазақстанда тұратын әрбір азаматтың мемлекеттік тілді білуі, оны құрметтеуі –  міндет. Елбасының өзі әрдайым да атап көрсеткендей, мемлекеттік тіл – Қазақстан халқын топтастырудың аса маңызды дәнекері. Елімізде бірнеше ұлт өкілдері тұратыны белгілі. Жергілікті ұлт – қазағымыз секілді олардың да арман-мақсаттары, көздеген ниеттері бар. Қандай ұлт өкілі болса да өз ана тілін, салт-дәстүрі мен әдет-ғұрыптарын ерекше бағалайтыны белгілі. Мемлекетіміз мұны түсінеді. Міне, сондықтан да еліміздегі қай ұлт өкілінің болса да тілінің, ұлттық қасиеттерінің сақталуына толық жағдай жасалған. Тіл күнінің де Қазақстан халқының Тілдері күні болып аталуы осыдан.       Тіл мерекесі құтты болсын!                                   …

    Аналар күнінің тарихы тереңде. Бұл мереке 8 наурыздағы қыз-келіншектер күніндей емес, бұл тек дүниеге бала әкелген аналар мен аяғы ауыр келіншектерге, сол сияқты әр түрлі себеппен ата-ана қамқорлығынсыз қалған баланы бауырына басып өсірген ана-әжелерге арналған мейрам. Күйеу балалары енелерін де ұмытпаған. Сонау ХVІІ-ХІХ ғасырларда Англияда Ұлы пост кезінде, атап айтқанда, төртінші жексенбіде бүкіл ел аналарға құрмет көрсеткен. Викториялық кезеңде көптеген адам жұмыс іздеп, өз отбасынан алыста жүретін болған. Оларға жылына тек бір күн ғана демалыс берілген. Сол күні олар аналарына дала гүлін теріп алып келген. Ал аналары оларға арнап тәтті күлше пісіріп, күтіп отыратын болған. Қазақта «құлға да бір күн той» дегендей, құлдықтағы қара нәсілдің де сол күні мойны босайды екен. Жалпы, Аналар күні әр елде әр түрлі мезгілде тойланады. Мысалы, АҚШ-та 1907 жылдан бері мамырдың екінші жексенбісі Аналар күні ретінде тұрақты өтіп келеді. 1914 жылдан ресми мереке ретінде бекітілген. Аустралиялықтар сол күні қалампыр гүлін тағып жүреді. Қызыл гүл - анасы жанында, аман-есен дегенді білдірсе,…