Хромтау аудандық кітапханасының оқырмандары эссе, иллюстрация, буктрейлер жұмыстарымен қатысып, «Иллюстрациялар» номинациясы бойынша Хромтау №6 гимназия 10 класс оқушысы, мектептен тыс білім беру орталығы «Жас суретші» үйірмесінің қатысушысы Сайлаубаева Диана Қайратқызы 2 дәрежелі және «Буктрейлер» номинациясы бойынша Хромтау қаласы №1 мектептің 10 класс оқушысы Туиешин Аслан Берікұлы 2 дәрежелі дипломдармен марапатталды.         Сіздің назарларыңызға Туиешин Асланның және Сайлаубаева Диананың жұмыстарын ұсынамыз.       Желтоқсанның 25-де аудандық кітапхананың оқу залында «Біз құрдастармыз» республикалық шығармашылық байқауы жеңімпаздарын салтанатты марапаттау рәсімі өтті. Шараға аудандық «Қазақ тілі» қоғамының  төрайымы  М.Т.Төреғалиева, «Аудандық мәдениет және тілдерді дамыту» мемлекеттік мекемесінің басшысы Қ.Н.Елеутов,  ауылдық және қала мектептерінің кітапхана қызметкерлері, мұғалімдер, оқушылар қатысты. Байқау қорытындысы бойынша 2 дәрежелі орындарға ие болған №6 мектеп гимназиясының 10 класс оқушысы Д.Қ.Сайлаубаева,  №1 мектеп оқушысы А.Б.Туиешин, белсене қатысқан оқушылар және шығармашылық қабілеттерін арттыруға өз үлестерін қосып жүрген ұстаздар марапатталды. Кітапхана директоры Таимова А.Ж кітапхана \"Мәдени мұра:танымал есімдер\" атты блогымен таныстырып өтті.  

Бұл салтанатты ашылуға Хромтау ауданы әкімінің орынбасары Н.Д.Аспенов, аудандық мәдениет және тілдерді дамыту бөлімінің басшысы Қ.Н.Елеутов,  Дөң ауылының әкімі Д.Қ.Тұрлыбаев, Дөң орта мектебінің мұғалімдері және оқушылары, кітапхана қызметкерлері, оқырмандар  қатысып, өз лебіздерін білдірді. Сонымен бірге, ауыл әкімі Д.Қ. Тұрлыбаев заман талабына сай жасақталған кітапхана статусын  Дөң ауылдық кітапханасына берілгеніне  қуанышты екенін, салтанатты шараға келген қонақтарға, кітапхана қызметкерлеріне еңбектері жемісті болып, осындай деңгейде басқа да ауылдық кітапханалар қол жеткізулерін тіледі. Бөгетсай модельді ауыл кітапханасының кітапханашысы Ж.Бірімжарова және Ақжар модельді ауыл кітапханасының  кітапханашысы Ұ.Омарова «Кітапхана жұмысын ұйымдастыру мен басқарудағы жаңа технологияларды қолдану тәжірибесінен» өз жұмыстарын слайд бойынша баяндап берді. Дөң ауылдық кітапханасының оқырмандары кітап туралы өлеңдерін оқып, әсем әндер орындады.  Жазғы сауықтыру демалысы Бурабайда өткен «Жасталап» Республикалық байқауының 1 орын жүлдегері, кітапхананың кішкентай оқырманы Жасағанбергенов Диас ақын М.Мақатаевтың «Отан», Е.Бахтияровтың «Бурабай» өлеңдерің оқып, көрермендерді тәнті етті. Шара соңында  аудандық кітапхана директоры А.Ж.Таимова кітапхананың блогтарына шолу өткізіп, шараға қатысушыларына өз алғысын білдірді.