«Арайлы таңдай сұлу - Астана» - Хромтауская районная библиотека

Аудандық кітапхананың оқу залында 5 шілде күні Астана қаласының 20 жылдық мерекесі мен Б.М.Сапарбаевтың
«Бақытты бала» жобасы аясында «Менің
сүйікті Астанам» сурет байқауының қорытындысы және «Арайлы таңдай сұлу -Астана» атты тәрбие сағаты өткізілді. «Менің сүйікті
Астанам» атты кітап көрмесі мен қатысушылардың суреттері оқу залына қойылды. Байқау қорытындысы мен марапаттау үшін құттықтау сөз кітапхана
директоры Н.А.Жетесовке берілді. Мектептен тыс білім беру орталығының сурет
үйірмесі жетекшілерінің бағалауы бойынша №3
«Айгөйлек» балабақшасының қатысушыларынан Амангелдин Темирлан бас жүлде, Самуратов Саян IIорын, Мусин Ислам III орын, №8 «Тұлпар» балабақшасынан Кунтаева Эльнара Iорын, Ақниязова Дильназ III орын, №1 «Күншуақ» балабақшасынан Бақберген Расул II орын, №7 «Еркетай» балабақшасынан Ұзақбай Айлин III орын және №6 мектеп гимназиясының оқушылары Мырзабаев Саламат II орын, Кудриттилаева Жасмина II орынды иеленіп алғыс хаттар мен сыйлықтар табысталды. Шара барысында
көрермендерге Елордамыз жайлы қысқаша мәлімет айтылып, бүлдіршіндерге сұрақтар
қойылды. Слайд арқылы балалармен бас қаламыздың ең биік ғимараттары мен көрікті
жерлеріне саяхат жасадық. Бүлдіршіндер саяхаттан Астанамыздың 20 жыл ішіндегі
жеткен жетістіктеріне күә болды. Шара соңында Әнұран орындалып, естелік
суреттерге түсті.