Тамыз айының 3 де, аудандық кітапхана қызметкерлері оқырмандарға ашық аспан астындағы кітапхана ұйымдастырды. Ондағы мақсат жазғы демалыс кезінде оқушыларды, студенттерді және қала тұрғындарын оқуға тарту, орталық алаңда жүрген демалушыларға ақпарат ұсыну, сонымен қатар, кітапханаға тұрақты оқырман ретінде жазылуға мүмкіндік жасау еді. Орталық алаңда пайда болған аспан астындағы оқу бұрышының ішінде көбінесе балаларға арналған әдебиеттер қойылып, балаларға үстел ойындары ұсынылды. Сонымен қатар, кітаптарға арналған, өлең шумақтары, баталар жазылған естелік бетбелгілер,жадынамалар таратылды. 3 августа работники районной библиотеки устроили для читателей библиотеку под открытым небом. Мы хотим привлечь детей и взрослых к интересному досугу, как чтение, настольные игры и многое другое. А также прелагаем каждому нашему читателю памятные закладки для книг.     

Аудандық кітапханада 27 шілде де Алаштың айбарлы ақыны, әдебиет әлемінде орны дара драматург, ҚР Халық жазушысы, мемлекеттік сыйлықтардың лауреаты Мұхтар Шахановтың шығармашылығына арналған «Қайсар рухты ақын» атты кітап көрмесі ұйымдастырылып, күнделікті келген оқырмандарға библиографиялық шолу жасалды. Шаханов Мұхтар 1942 жылы дүниеге келді. Қазақстанның және Қырғызстанның халық ақыны. Оңтүстік Қазақстан облысы Отырар ауданы Шілік ауылында туған. Жеті жылдық мектепті бітірген соң, трактордың тіркеушісі, облыстық «Оңтүстік Қазақстан» газетінде корректор, әдеби қызметкер, «Лениншіл жас» газетінде оңтүстік облыстар бойынша меншікті тілші, Қазақстан Жазушылар одағы басқармасының хатшысы, республикалық «Жалын» журналының бас редакторы, т.б. қызметтер атқарды. КСРО халық депутаты, КСРО Жоғарғы Кеңесінің мүшесі, ҚР Халық депутаты болды. Көптеген өлең кітаптарының және халық арасына кең тараған бірқатар әндердің авторы. Балладалары мен поэмалары дүние жүзі халықтарының 20-дан астам тілдеріне аударылған. «Махаббат заңы», «Сенім патшалығы», «Сократты еске алу түні» атты драмалары республикамызда және шетел театрларында қойылған. Ш.Айтматовпен бірлесіп жазған «Құз басындағы аңшының зары» атты эссе кітабы мен «Сократты еске алу түні» драмасы көптеген тілдерге аударылған.…