17 қазан күні аудандық кітапханада жылма жыл дәстүр бойынша өтетін облыстық балалар кітапханасының ұйымдастыруымен  халық ақыны, айтыскер, жыршы-жырау Н.Байғаниннің шығармашылығына арналған «Байғанин оқулары» аудандық көркемсөз оқу сайысы өткізілді. Мақсаты: ақын Н.Байғанин шығармаларын насихаттау; Кітап оқу мәдениетін жетілдіру. Оқырмандар назарына «Ақынның асыл мұрасы»атты кітап көрмесіне библиографиялық шолу жасалып, слайд көрсетілді. Байғанин оқуларының  І-кезеңінде қатысушылар ақынның өлеңдерін, дастандарынан үзінділерін мәнерлеп жатқа айтты. ІІ-кезеңде  қатысушылар ақынның шығармашылығы бойынша сұрақтарға жауап берді. Қатысушылардың мәнерлеп оқуы мен сахна мәдениетіне басты назар қойып қазылар алқасы өз бағаларын берді. Қазылар алқысының мүшелері: Аудандық қазақ тілі қоғамының төрайымы Жұмағалиева Мариям Төреғалиқызы, мектептен тыс білім беру орталығының «Өлең өрнектері» үйірмесінің жетекшісі Оразова Жанат Есетқызы,аудандық кітапхананың әдіскері Абиева Баян Тойбазарқызы. Нәтижесінде І орын – Бақыт Ақбота/Бөгетсай мектеп-гимназиясының 7 сынып оқушысы, ІІ-орын – Князбаева Гүлбақыт/ №3 мектеп  11 сынып оқушысы, ІІІ-орын – Утегалиева Гүлзат /№3 мектеп 6 сынып оқушысы жеңімпаз атанды.№6 мектеп-гимназиясының 5 сынып оқушысы Зайткерей Іңкәр сайысқа белсене қатысқаны үшін алғыс хатпен марапатталды. Қатысушыларға естелік сыйлықтармен, дипломдар табысталды. Сондай-ақ I орынды…

 12 қазан күні С.Бәйішев атындағы облыстық кітапханасында Хромтау аудандық кітапхана мен аудандық тарихи-өлкетану музейінің ұйымдастыруымен Астана қаласының 20 жылдығына арналған «Туған жерім – Нұрлы елім» атты Ақтөбе қаласындағы Хромтау ауданының күндеріне орай «Туған ел үшін әрдайым, жауқазын жырды арнаймын» атты Хромтау өңірінен шыққан жас ақындармен кездесу кеші өтті. Жас ақындарға қолдау көрсету, жас таланттардың шығармашылығын кеңейту, шеберліктерін шыңдау, шығармаларын оқырмандар арасында насихаттау мақсатында ұйымдастырылған шараға филология ғылымдарының докторы, профессор Алпысбай Мұсаев, поэзия әлеміне жол тартқан жас қаламгерлердің қадамдарына қолдау  көрсетіп,  жыр жинақтарын шығаруға атсалысып жүрген ақын, Қазақстан Жазушылары одағының мүшесі Гүлімай Қуанышева және халық мұңын жоқтап өлеңдер жазған халық ақыны Әкімәлі Қаржауовтың жиен немересі, ақын Есенбек Жұмағалиев, Хромтау ауданына қарасты Тасөткел ауылының Ащы елді мекенінде дүниеге келген ақын, Қазақстан Журналистер одағының мүшесі, Қазақ ССР Жоғарғы Кеңесінің грамотасының иегері Қызмет Нұралиннің жиен немересі, облыстық жас ақындар мүшәйрасының жүлдегері Наурызбай Асылбеков қатысты. Поэзия кешінің шымылдығы Хромтау аудандық орталықтандырылған кітапханалар жүйесінің директоры Нұртай Жетесовтың құттықтау сөзімен ашылды. Арнайы қонақтар Хромтау ауданының тарихын…