19 қыркүйек күні аудандық кітапхананың оқу залында 22 қыркүйек- Қазақстан халықтарының Тілдері күні мерекесіне байланысты, мемлекеттік тілдің маңыздылығын түсіндіру мақсатында \"Ана тілім-асыл қазынам атты танымдық сағаты болып өтті. Тілдің мемлекеттік мәртебесін қалыптастыруға , қазақ тілінің қолданылу аясын кеңейтуге, тілін, елін сүйе білуге үйрететін бұл мерекелік іс-шараға №2 гимназияның 5-6 сынып оқушылары белсенді қатысты. Оқушылар ақын-жазушылардың тілге байланысты өлеңдерін мәнерлеп үш тілде оқыды.       

 8 тамыз күні аудандық кітапхана «Бір ел-бір кітап» акциясы аясында жыл таңдауына ұсынылған шығармамен таныстыру,Қазақстанның халық жазушысы, мемлекет және қоғам қайраткері Әбіш Кекілбаевтың «Аңыздың ақыры» шығармасына кеңінен тоқталып, шығарманың маңыздылығын, өміршеңдігін түсіндіре отырып, жастарды кітап оқуға баулу мақсатында «Аңыздың ақыры - кемел ойлы көркем сөзді шежіре» тақырыбында оқырмандар конференциясын ұйымдастырды. Конференцияға мұғалімдер,оқырмандар, мектеп, колледж, ауылдық кітапхана қызметкерлері қатысты. Қазақ тілі және әдебиеті пәнінің мұғалімдері Махмутова А.А,Хасанова С.С, Жанұзақова Т.З Ә. Кекілбаевтың шығармасы бойынша образдарды талдай отырып, романдары кейіпкерлердің психологиялық болмысы, жан сезімі, ішкі ой әлемі, жазушының суреттеу шеберлігі туралы әсерлі әңгіме өрбітті, қатысушылар бәйбішенің Әміршіге сыйлаған қызыл алмасының нендей құпиясы бар?-деген сұраққа түрлі пікірлер айтылды.Тау-кен техникалық колледждің кітапханашысы Тыныштыкова Г романнан үзінді оқыды. «Махаббат мұнарасы» спектаклінен үзінді көрсетілді.