22 - қыркүйек күні №5 мектеп-гимназиясының ұйымдастыруымен аудандық кітапхананың қатысуымен, «Бір ел-бір кітап» акциясы аясында Қазақ әдебиетінің ақсұңқары Шәкәрім Құдайбердіұлының шығармашылығына арналған танымдық сағат өткізілді. 8-сынып оқушысы Бисекеева Алина ақын өмірі мен шығармашылығына баяндама жасады. Шара барысында оқушылар Шәкәрім өлеңдерін мәнерлеп оқумен қатар,ақынға тән қасиеттерді ағылшын тілінде жалғастырды. Сондай-ақ, ақын өміріне қызығушылық танытқан оқушылар Ш.Құдайбердіұлының ұлағатты сөздерін де жатқа айтты. Бисекеева Алина өз шығармашылық қабілетімен ақынға арнау өлең шығарып,өз жұмыстарымен таныстырды. Аудандық кітапхана «Шәкәрім мұрасы-өшпес ғұмыр» атты кітап көрмесін жасақтап, кітапханашы Тугелова Нурсулу кітаптарға шолу жасады. Мектеп кітапханашысы Елеусизова Нургүл оқушыларға шараға белсене қатысқаны үшін алғысын білдіріп, танымдық сағатты естелік сүретке түсумен аяқтады         

 29 -тамыз күні  аудандық орталық кітапханасының балалар әдебиеті бөлімі қаламыздың №7 «Еркетай» балабақшасында «Самұрық» тобының бүлдіршіндері мен тәрбиешісі Мурзагулова Камшат және балабақша әдіскері Джанадилова Инабаттың қатысуымен «Жазғы оқу» бағдарламасы аясында «Кітапхана-балабақша» атты кітап әлеміне саяхат өткізілді. Мақсаты: Кітапхана өмірімен таныстыру, білімнің кілті кітап арқылы берілетінін ұғындыру; бүлдіршіндердің кітапқа деген қызығушылығын арттыру; кітапты сүюге, оны күтіп, таза ұстауға тәрбиелеу.«Балаларға базарлық» атты тақырыптан құралған көрмеге көркем әдеби кітаптар, балалардың ой-өрісін дамытатын түрлі-түсті суреттермен безендірілген кітапшалар, балаларды адамгершілікке, Отан сүйгіштікке, еңбекқорлыққа баулитын өлең -тақпақтар, ертегілер, әңгімелер, балалардың тілін дамытатын жұмбақ- жаңылтпаштар, әртүрлі ойындар берілген кітапшалар мен танымдық әдебиеттер қойылды. Кітап әлемінің шынайы кітапшасымен, сыртқы түрлері бойынша ғана емес, көлемі бойынша айырмашылықтары бар – бүктемелі кітапшалар, дыбысты сөйлейтін кітапшалар, әуенді кітапшалар, керме-ашылмалы панорама кітапшалар, ойыншық кітапшалар, бояуға арналған кітапшалар және тағы басқаларымен таныстырылып, балаларға өз бетімен өздерін қызықтырған кітаптарды қарап, беттерін аударуға рұқсат етілді. Бүлдіршіндермен бірге сұрақ – жауап арқылы қандай ертегілерді білетіндері тексерілді. Қызықты бағдарламаның арқасында мектеп алды балалары…

  28 тамызда аудандық кітапханада «Дін – ұстай алсаң – қасиетің, ұстай алмасаң – қасіретің» атты дөңгелек үстел өтті. Аталған шараға облыстық «Аңсар» ақпараттық-талдау орталығының маманы Ұлқабай Сансызбай Жәдігерұлы мен аудандық дін мәселелері жөніндегі орталықтың маманы Жидебаев Сұлтан Сабырбекұлы және кітапхана мен музей қызметкерлері қатысты. Дәстүрлі емес діни ағымдардан сақтау жолдарын түсіндіріп, бейне роликтерін көрсеткен теолог мамандар қызметкерлермен еркін диалогта әңгіме құрды. Шара барысында Сансызбай Жәдігерұлы кітапхана қорына Қ.Құрманбаев, Е.Есімқұловтың «Ислам тарихы», Ш.Құдайбердіұлының «Мұсылмандық шарты» атты кітаптарды сыйға тартты. Сондай-ақ ұйымдастырушылар дөңгелек үстелге қатысушыларға жадынама, ескертпе қағаздарды таратып, анкета алды.