Хромтау аудандық балалар кітапханасында «Балалар кітап фестивалі 2022» жылы аясында тұрақты оқырман оқушылардың қатысуымен фестивальдің 5-ші бағыты Bookcrossing. Оқыған кітабынан алған әсерімен бөлісу, жолдау «Оқы және өзгеге сыйла» атты акция өткізілді. Кітапханашы Тамара Сагирқызы оқушыларға кітап оқудың маңыздылығы туралы әңгімелеп берді. Акцияның мақсаты оқушыларды кітап оқуға тарту, бірлесе кітап құндылығын тануға шақыру, кітап таныстыру арқылы көркем сөйлеуге, көшбасшылық, бәсекеге қабілеттілік дағдыларын дамыту болып табылады. Оқушыларға : Кітап оқу мен теледидар қарауды айырмашылығы және адамға әсері қандай деп ойлайсың? -деген сұрақ қойылды. Жауаптары: Кітап оқу меніңше өте қажет. Қоғамда кітапты көп оқитын адам мен кітап бетін ашпайтын адам бірден байқалады. Ғаламтор желісінде немесе теледидардан көрген фильм ешбір уақытта кітап оқығанға тең келмейді. Кітапты оқығанда өзің кейіпкер болып, ары қарай не болады деген ой маза бермей, қиялға беріле оқисың. Кітап оқығанда сен басқа ғаламшарда жүргендей күй кешесің. Ал теледидар көргенде сенің міндетің тек көру және қызық алу, - болды. Ал кітап қиялды дамытады.  

Бүгін ұлы ғұлама Абай Құнанбайұлының туған күні. Үкімет қаулысымен 10 тамыз - Абай күні болып бекітілді. Бұл күн мемлекеттік мерекелер күнтізбесіне енгізілді. Сондай-ақ жыл сайын халықтық мейрам ретінде аталып өтеді. Осыған орай Хромтау аудандық кітапхана  «Асыл сөзді іздесең, Абайды оқы – таңырқа!» атты Абай оқуларын ұйымдастырды. Абай оқуларын кітапхананың инстаграм парақшасынан сілтемені басу арқылы көре аласыз https://www.instagram.com/reel/ChEq0UOgqmn/?utm_source=ig_web_copy_link  

Хромтау аудандық кітапханасының ұйымдастыруымен «Адалдық алаңы» жобасы аясында ауылдық кітапханалар арасында 11 – 31 шілде аралығында кітапхананың инстаграм парақшасында  «Шәкәрім өсиеті – адалдық айнасы» онлайн оқулары өтеді. ✅Мақсаты: Ұлтымыздың көрнекті өкілдерінің бірі, дала ойшылы атанған философ ақын Шәкәрім Құдайбердіұлының шығармашылығы арқылы оқырмандарға парасаттылық, әділдік, ізгілік, адалдық қасиеттерін насихаттау. ✅ Шарттары: Бейнебаян 3 минуттан аспауы керек. Орындаушының көркемдік шеберлігі, қазақ тілінде таза сөйлеуі, мазмұнға баса мән беруі, бейнебаянның тақырыпқа сай болуы тиіс. Толығырақ кітапхананың инстаграм парақшасынан көре аласыздар https://www.instagram.com/khromtau_kitapkhana/