30 тамыз ҚР Конституция күніне орай 24 тамыз аудандық кітапхананың оқу залында\"Конституция-кемелдік кепілі\" атты тәрбие сағаты өткізілді. Шара барысында Қазақстан Республикасының Мемлекеттік Әнұраны орындалды. Содан кейін біздің Ата заңның тарихы жайлы анықтама, Конституцияның кейбір баптары мен Қазақстан Республикасы азаматтарының құқықтары мен міндеттері жайлы қысқаша мәліметтер берілді.  «Сен Ата заңды білесің бе?» атты сұрақ-жауап ұйымдастырылып, «Адасқан әріптерді орналастыр» (термин сөздер), «Сөйлемді аяқта» атты ойыны өткізілді.    Оқу залында ұйымдастырылған «Ата заң елдің тұғыры» атты кітап көрмесіне қойылған әдебиеттерге библиографиялық шолу жасалды. Көрмеге тәуелсіздік алғанға дейінгі кезеңдердегі қазақтың дала заңынан сыр шертетін «Қазақтың Ата Заңдары» жайындағы кітаптар мен 1995 жылдың 30 тамызында  қабылданған ҚР-ның Конституциясы, Ата Заңымыз туралы мерзімді басылымдардан деректер, т.б. мәліметтер қойылды. Өткізілген шараға балалар бөлімінің тұрақты оқырмандары мен кітапхана қызметкерлері қатысты.       

  Елбасы Н.Ә.Назарбаевтың «Болашаққа бағдар:рухани жаңғыру» бағдарламалық мақаласы аясында 15 тамыз күні Аудандық кітапхана ұйымдастыруымен Бөгетсай ауылдық округінде «Кітапхана-мақтанышым» атты жас кітапханашылар сайысы өтті. Байқаудың мақсаты – кітапханашылардың шығармашылық жетістіктерін айқындап, имиджін нығайту.    Сайысқа Хромтау аудандық орталықтандырылған кітапханалар жүйесінің директоры Нұртай Жетесов, аудандық тарихи-өлкетану музейінің директоры Нұргүл Аманғалиева, аудандық кітапхананың құжаттарды өңдеу және жинақтау бөлімінің меңгерушісі Нұржамал Имандосова және кітапханаларды дамыту бөлімінің әдіскері Баян Абиева қазылық етті.   Ауылдық кітапхана қызметкерлері 6 кезең бойынша сынға түсіп, І кезеңде өзін және қызмет атқаратын кітапханасын таныстырса, ІІ кезеңде өз өнерлерін ортаға салды. Жарыстың ІІІ кезеңінде қатысушылар виртуалды кітап көрмелерін көрермендерге ұсынып, ІV кезеңде қазақтың ақын-жазушыларының шығармаларынан қойылған сұрақтарға жауап берді. V және VІ кезеңде сайыскерлер үй жұмысы және дайындаған портфолиосы бойынша ұпай жинады.   Сайыстың қортындысы бойынша І орынды Ақжар ауылдық округінің кітапханашысы Ұлболсын Омарова жеңіп алса, ІІ орынды Тассай ауылдық округінен келген Ақмарал Карина иеленді. ІІІ орынды Көктау ауылдық округінің кітапханашысы Эльмира Турганбаева қанағат тұтты. Сайысқа қатысушылар мен…

 15 тамыз күні Бөгетсай ауылдық округінің мәдениет үйінде Хромтау аудандық орталықтандырылған кітапханасы мен Бөгетсай ауылдық мәдениет үйі қызметкерлерінің ұйымдастыруымен Тоқсанбаева Маржан Қалиоллақызының кітапхана саласындағы ұзақ жылғы еңбектері мен жетістіктеріне арналған «Мамандығым-мерейім» атты кездесу кеші өтті.   Шараға Бөгетсай ауылдық округінің әкімі міндетін атқарушы Ғалымжан Түйтенов, ауыл ардагерлері мен ұстаздары және құрметті қонақтар қатысты.   Еңбек майданында өзінің еселі еңбегімен ел ықыласына бөленіп, құрмет төрінен орын алып жүрген ардақты жандар аз емес. Елінің өсіп-өркендеуіне саналы ғұмырын арнап, бүгінде ел-жұртының абыройына бөленген жанның бірі –Маржан Тоқсанбаева 40 жылдан астам уақыттан бері бір қызметте, яғни 1977 жылдан бастап Бөгетсай совхозының №4 фермасы Амангелді селолық кітапханасының кітапханашысы, ал 1980 жылдан қазіргі кезге дейін Бөгетсай селолық кітапханасының меңгерушісі қызметін мінсіз атқарып келген.    Маржан Қалиоллақызы өзінің мамандығын игеріп қана қоймай, түрлі фестивальдарға, сайыстарға, спектальдерге қатысып, өнердің кез келген саласында өз орнын таба білген. 2007 жылы алғашқы болып Бөгетсай ауылында «Жаңа үлгідегі модельді ауыл кітапханасын» ашуға атсалысып, ҚР Ұлттық академиялық кітапханасының кітапхана имиджін…