29 қазан күні аудандық кітапхана және Хромтау тау- кен техникалық колледж кітапханасының ұйымдастыруымен Кеңес Одағының Батыры Ә.Молдағұлованың туғанына 95 жыл толуына орай «Қызы батыр ел - ұлы ел» тақырыбында колледждің мәжіліс залында еске алу кеші өтті. Мақсаты: Ұлы Отан соғысының батыры, қазақ халқының батыр қызы Ә.Молдағұлованың өмірі мен ерлігін насихаттау.Жас ұрпақты отансүйгіш, патриот азамат боп өсуге тәрбиелеу. Тарихи кеш бір минут үнсіздікпен басталды. Кітапханашы Мұратқали А. Ә.Молдағұлованың өмірбаяны, ерлік жолдары туралы толық мағұлмат берді.Студенттер Дуйсебаева С. Азимова Ф. Ермагамбетова Ж. Оразбаева Г. Хасенова І. өлең шумақтарын оқып, Қалжанова А. «Сапураға хат», Қалжанова А. Хасенова І. «Әлиямен сырласу» атты көрініс қойды. Бейнекөрініс көрсетіліп, Хасенова Н. Азимова Ф. «Әлия» әнін шырқады.       

31 қазан күні аудандық кітапхананың оқу залында «Рухани жаңғыру» бағдарламасы аясында заманалар өзгеріп, қоғамдар алмасқан аласапыран кезеңде 1894-1938 жылдар аралығында қатар өмір сүрген Сәкен Сейфуллин, Бейімбет Майлин мен Ілияс Жансүгіров «тар жол, тайғақ кешу» кезеңіндегі ұлтының көшбасшылары үш алып бәйтерегіміздің туғанына 125 – жыл толуына орай «Үш бәйтерек – үш діңгек: Сакен,Ілияс,Бейімбет» атты оқырмандар конференциясы өтті.Конференцияға мұғалімдер,студенттер,оқырмандар, аудандық «Қазақ тілі» қоғамының төрайымы М.Т.Жұмағалиева, мектеп кітапханашылары  қатысты. Мақсаты: Қазақтың үш бәйтерегінің өмір жолын кейінгі жас ұрпаққа таныстыру,шығармаларын насихаттау. Шара барысында, аудандық тарихи-өлкетану музейінің кіші ғылыми кызметкері Жолдыбаева Л.К «Өмірлері өнеге-үш бәйтерек» және № 2 мектеп-гимназиясының қазақ тілі және әдебиеті пәнінің мұғалімі Тюлемисова Г.С. «Үш бәйтерек- үш алып» тақырыптарында  теңдікті аңсаған, әділетсіздікті жырлаған, болашағымыздың бостандығы үшін күресіп, арттарында өшпестей із қалдырған ағаларымыздың мол мұрасы, өмір жолдары туралы баяндама жасады.  №3 мектеп оқушылары  ақын-жазушылардың шығармаларынан үзінділер оқыды. Оқырмандар оқыған кітаптары бойынша пікір алмасты. Аудандық кітапхананың қызметкері Жиембаева Т.С.«Сіз білесіз бе?»  айдарымен ақын-жазушылар туралы косымша деректер бойынша қысқаша баяндап берді. Қазақ әдебиетіндегі үш қайталанбас…

 10 қазан күні кітапхананың оқу залында «Рухани жаңғыру» бағдарламасы аясында Абай Құнанбаевтың 175 жылдық мерейтойына орай балабақшалар арасында өткізілген «Абай-дара, Абай –дана қазақта» атты онлайн байқауының қорытындысы мен марапаттау рәсімі өткізілді. Байқауға қала мен ауыл балабақшаларының 33 бүлдіршіндері қатысып,әділқазылар шешімімен үш жүлделі орын қала балабақшалары және бес жүлделі орын ауыл балабақшасының балалары иеленді. Барлық байқауға қатысушылар алғыс хаттар және естелік сыйлықтармен марапатталды.