🔹«Отанға қызмет» атты тарихи сағат Ауған соғысы ардагерлер күніне орай ұйымдастырылды. Бұл шара Хромтау аудандық орталықтандырылған кітапханасында өтті. «Отанға қызмет» атты тарихи сағат аясында арнайы кітап көрмесі мен Хромтау аудандық тарихи өлкетану музейінің «Ауғанның асуында от кешкендер» жылжымалы көрмесі ұйымдастырылды. Көрмеде Ауған соғысы ардагерлері мен Отан қорғаушылардың ерлігі туралы жазылған кітаптар, құжаттар, мақалалар және фотоматериалдар қойылды. Көрмені тамашалаған оқушылар мен қонақтарға сұрақтар қойылып, Шамшат Нұрғалымның орындауында «Жаңа ғасыр Қазақстан» әні тарту етілді. Толығырақ https://www.instagram.com/hromtau_audandyk_kitaphana/?e=164390af-564d-40a5-8dcb-2c096b65be39&g=5

Хромтау аудандық кітапханасында жазушы Мұхтар Мағауиннің 90 жылдығына арналған “Қазақ әдебиетінің ақсұңқары” атты портрет кеші өтті. 📖Шара барысында Мұхтар Мағауинның қазақ әдебиетіне қосқан үлесі, еңбектері мен шығармалары жайлы әңгіме болды. Мағауиннің ұлттық әдебиетті, мәдениетті зерттеудегі рөлі, сондай-ақ тарихи романдарымен қазақ халқының өткенін жаңаша көзқарас тұрғысынан көрсетуі кеңінен талқыланды, оқушыларға жазушының өмірі мен шығармашылығы туралы ақпараттар беріліп, жазушының кітаптарына библиографиялық шолу жүргізіліп, «Аласапыран» романы бойынша бейнеролик көрсетілді. 🔹Кешке 7 мектеп-гимназиясының оқушылары, кітапхана қызметкері Ильясова Жайнагуль қатысты.

  🔹30 қаңтар күні аудандық кітапханада Хромтау ауданының -90 жылдығына орай №5 мектеп-гимназиясы оқушыларының қатысуымен «Кенді өлке Хромтау: 90 жылдық белестері» атты танымдық шара ұйымдастырылды. 🔹Мақсаты: халқымыздың өткені, елдің шежіресі, жердің тарихы, осы ретпен келгенде Хромтаудың ұзақ жылдар бойы қалыптасқан келбеті жайында кеңінен мағлұмат беру. Аталмыш шарада кітапхана қызметкері Бертакова Ә.А. қысқаша ауданымыздың тарихына тоқталып, сол кезеңдерде өмір кешкен,өзіндік іздерін қалдырған бір қатар аға буын өкілдері, ғалымдар, ақын-жазушылар, қоғам қайраткерлері туралы бейнероликтер көрсетті. 📖«Қазынаға толы Хромтау» кітап көрмесіне библиографиялық шолу жүргізілді. Оқушылар сканвордтар шешіп, сұрақтарға жауап берді.                                                                                                                              Толығырақ https://www.instagram.com/reel/DFcyoioM64v/?utm_source=ig_web_copy_link&igsh=MzRlODBiNWFlZA==