Бүгін Әкелер күніне орай көшеде тұрғындар арасында сауалнама жүргізіп, әкеге деген құрмет пен сүйіспеншілік туралы пікірлерін тыңдадық. 💬 Әрбір жауаптан әкенің отбасы үшін алар орны ерекше екенін, оның ақылы мен тәрбиесі бала өміріндегі ең үлкен байлық екенін аңғардық. 🏡 Әке – отбасының тірегі, шаңырақтың қорғаны, балаға бағыт-бағдар беретін асыл жан. Сондықтан да әкеге деген құрмет әрқашан жүрегімізде сақталуы тиіс. 🎉 Барша әкелерді мерекемен құттықтай отырып, отбасыларыңызға амандық, дендеріңізге саулық, еңбектеріңізге береке тілейміз! ⭐ Әке мерейі асқақтай берсін!

15 маусым күні Хромтау аудандық кітапханасы мектептен тыс білім беру орталығымен бірлесіп, Әкелер күніне орай «Әке тәрбиесі – ізгілік бастауы» атты библио-тайм өткізді. Іс-шараның мақсаты – әкенің отбасы мен қоғамдағы рөлін насихаттау, әке тәрбиесінің маңызын дәріптеу және отбасы құндылықтарын насихаттау. Шара барысында әке тұлғасы, отбасы тәрбиесі, ұлттық құндылықтар мен ұрпақ тәрбиесіне арналған кітаптар таныстырылды. Қатысушылар әке өнегесінің саналы ұрпақ тәрбиесіндегі орны туралы мағлұмат алып, ұсынылған әдебиеттермен танысты. Библио-тайм оқырмандарды әкені құрметтеуге, отбасы бірлігін нығайтуға және рухани-адамгершілік құндылықтарды бағалауға үндеді.

4 маусым – Қазақстан Республикасының Мемлекеттік рәміздер күніне орай аудандық орталық кітапхананың ұйымдастыруымен «Мемлекеттік рәміздер – ұлт мақтанышы» атты танымдық іс-шара өткізілді. 🤝 Іс-шараға Мектептен тыс білім беру орталығының мамандары, аудандық тарихи-өлкетану музейінің қызметкерлері, кітапхана қызметкерлері және мектепшілік лагерь оқушылары қатысып, ел рәміздерінің тарихы мен маңызы туралы құнды мәліметтер алды. 🎶 Шара салтанатты түрде Қазақстан Республикасының Мемлекеттік Әнұранын орындаудан басталды. 🇰🇿 Қатысушыларға: 🔹 Мемлекеттік Тудың, 🔹 Мемлекеттік Елтаңбаның, 🔹 Мемлекеттік Әнұранның авторлары туралы ақпарат беріліп, 🔹 олардың тәуелсіз Қазақстанның қалыптасуындағы тарихи маңызы кеңінен түсіндірілді. ❓ Танымдық бөлімде рәміздерге байланысты викториналық сұрақтар қойылып, қатысушылар өз білімдерін сынады. 📖 Сонымен қатар, «Мемлекеттік рәміздер – ел мәртебесі» атты кітап көрмесіне библиографиялық шолу жасалып, тақырыптық әдебиеттер таныстырылды. 🌟 Іс-шараның мақсаты – жас ұрпақтың бойында патриоттық сезімді қалыптастыру, Отанға деген сүйіспеншілікті арттыру, мемлекеттік рәміздерді құрметтеуге және қастерлеуге тәрбиелеу.