Хромтау аудандық кітапханасында «Хромтау аудандық мәдениет, тілдерді дамыту, дене шынықтыру және спорт бөлімі» ММ басшысы Амантурлиев Бостан Бадиканович кітапхана қызметкерлерімен кездесу өткізді. Кездесу барысында кітапхана саласының өзекті мәселелері, алдағы жоспарлар мен мәдени-ағарту жұмыстарының бағыттары талқыланды. Сонымен қатар, кітапхана қызметін жетілдіру, оқырмандарға көрсетілетін қызмет сапасын арттыру және заманауи жобаларды жүзеге асыру мәселелеріне назар аударылды.

2026 жылғы 17 маусым күні аудандық кітапханада «Жемқорлыққа қарсы мәдениет – қоғамның дамуының кепілі» атты дөңгелек үстел өткізілді. 🎯 Шараның мақсаты: сыбайлас жемқорлыққа қарсы мәдениетті қалыптастыру, қоғамда адалдық пен әділдік қағидаттарын насихаттау, құқықтық сауаттылықты арттыру және жемқорлықтың алдын алу бағытындағы жұмыстарды күшейту. 📖 Шара барысында сыбайлас жемқорлықтың қоғам дамуына тигізетін кері әсері, оған қарсы іс-қимылдың маңыздылығы және әрбір азаматтың құқықтық жауапкершілігі туралы түсіндірме жұмыстары жүргізілді. 💬 Қатысушылар арасында пікір алмасу ұйымдастырылып, тақырыпқа қатысты ақпараттық материалдар таныстырылды. 👥 Аталған іс-шараға ауылдық кітапханалардың кітапханашылары қатысып, өз ой-пікірлерін ортаға салды. Олар жемқорлыққа қарсы мәдениетті қалыптастырудың маңыздылығын атап өтіп, осы бағыттағы жұмыстарды жүйелі түрде жалғастыру қажеттігін қолдады. ✅ Дөңгелек үстел өз мақсатына жетіп, қатысушылардың сыбайлас жемқорлыққа қарсы мәдениет туралы түсінігін кеңейтіп, қоғамның тұрақты дамуы мен өркендеуіндегі оның маңызды рөлін айқындауға ықпал етті.

Бүгін Әкелер күніне орай көшеде тұрғындар арасында сауалнама жүргізіп, әкеге деген құрмет пен сүйіспеншілік туралы пікірлерін тыңдадық. 💬 Әрбір жауаптан әкенің отбасы үшін алар орны ерекше екенін, оның ақылы мен тәрбиесі бала өміріндегі ең үлкен байлық екенін аңғардық. 🏡 Әке – отбасының тірегі, шаңырақтың қорғаны, балаға бағыт-бағдар беретін асыл жан. Сондықтан да әкеге деген құрмет әрқашан жүрегімізде сақталуы тиіс. 🎉 Барша әкелерді мерекемен құттықтай отырып, отбасыларыңызға амандық, дендеріңізге саулық, еңбектеріңізге береке тілейміз! ⭐ Әке мерейі асқақтай берсін!