Талғат Мұсабаев 70 жаста

Талғат Мұсабаев Амангелдіұлы, 1951 жылғы 7 қаңтарда Қазақ КСР Алматы облысы Жамбыл ауданының Қарғалы кентінде дүниеге келген.  1974-1993 жылдар аралығында ұшқыш мамандығы бойынша бірнеше оқу орнын оқып бітірген. Талғат Мұсабаев «Союз-ТМ» ғарыш кемесімен қатарынан үш рет ғарыш әлемін бағындырды. Ол ғарышта ең алғаш рет 1994 жылы 126 тәулік, 1998 жылы Екінші сапарында 208 тәулік және 2001 жылы жасаған соңғы сапарында 8 тәулік болған. Бұл – ғарышта болу ұзақтығы бойынша қазақ ғарышкерлері арасындағы тұңғыш рекордтық көрсеткіш болып саналады.   Ол ғарыш стансасынан тыс ашық ғалам аясында жалпы мерзімі 41 сағат 21 минут болған. Гиннестің үздік табыстар кітабына бір айдың ішінде 5 рет, барлығы 30 сағат 8 минут ұзақтығымен ашық ғарышқа шыққаны үшін есімі айшықталып жазылған.   ҚР Парламенті Сенатының депутаты болып 2017 жылы Президенттің Жарлығымен сайланған. Осы орайда  оқырмандарды отансүйгіштікке тәрбиелеу мақсатында Хромтау аудандық балалар кітапханасы \"Мен ғарышкер боламын\" атты онлайн шолуды  khromtau_kitapkhana инстаграмм парақшасында жариялады.  Толық ақпаратты сілтеме арқылы көре аласыздар-  https://www.instagram.com/tv/CKib7HanwBJ/?igshid=1beqmwbfiw9kk  

0 комментариев

Сапарғали Бегалин — 125 жыл

          Аудандық балалар кітапханасында қараша айының 6-24 күндері аралығында қазақ балалар  әдебиетінің дамуына көп еңбек сіңірген, оның негізін қалаушы алғашқы көшбасшысы, этнограф,әрі тарихшы, қазақ халық ауыз әдебиетінің білгірі және жинақтаушысы Сапарғали Бегалиннің 125 жылдығына «Балалық шақтың елшісі» атты әдеби эстафетасы өткізілді. Аталмыш эстафетаға қатысқан ауыл  кітапханашылары  жазушының өмірі мен  шығармашылығына арнап бейнероликтер дайындай отырып, ақынның  өлеңдерін оқып  кеңінен насихаттады.Сонымен бірге, осы әдеби эстафетаға  №3 Хромтау орта мектебінің кітапханашысы Айгүл Талтанова, №7 «Еркетай» балабақшасының ересек топ тәрбиешілері Құрманбаева Г.А., Мурзагулова К.Т. өз үлестерін қосып, шағын әңгімелерден үзінділер оқып, талдап берсе, бүлдіршіндер өз түсініктері бойынша суреттер салды.  

0 комментариев

Балаларға базарлық!

Балалар кітапханасында оқырмандарға арналған  \"Әлемді кітаппен таны\" тақырыбында кітап көрмесі ұйымдастырылып,   жаңадан түскен әдебиеттерге шолу жасалынды. Ежелгі Қазақстан тарихы, детектив пен фантастика, бүлдіршіндерге арналған санамақтар, әліппе кітаптары мен қыз балаларға арналған энциклопедиялар балаларды бей-жай қалдырмайтыны сөзсіз.  Келіңіз, таңдаңыз, оқыңыз! Көрменің виртуалды форматын кітапхананың инстаграм https://goo.su/1Wrt  парақшасында  көре аласыз.  

0 комментариев