Облыс бойынша жерлес ақын жазушылардың шығармаларын насихаттауда «Оқы Ақтөбелік өренім» атты марафонға ақын Ізтай Тілеуұлы Мәмбетовтың туғанына 90 жыл толуына орай шығармалары таңдалып алынды. 28 ақпан күні аудандық кітапхананың  балалар әдебиеті бөлімінде «Жыр әлемінің- Ізтайы» атты әдеби-сазды кеш өтті.Кітапханашы Жиембаева Т.С. ақын І.Мәмбетовтың қысқаша өмірбаянымен таныстырып,шығармашылығына арналған слайдқа шолу жүргізді. №3 мектептің 4 «а»сынып оқушылары  І.Мәмбетовтің «Мен туыппын ақпандатқан боранда», «Мен ақынмын», «Мәмбетовтер», «Өгей шешеме» т.б. өлең-жырларын мәнерлеп оқыды. № 1 мектептің 6 сынып оқушысы Мырзабекова Жадыра «Ақ желең» күйін орындаса, №3 мектептің Сабина «Тәуелсіз елдің қызымын» әнін шырқап берді. Сөзін Ізтай Мәмбетов жазған «Қаракөз» әні тыңдалып, шараға қатысушылардың барлығы бірігіп айтты. Оқушылар өздерін қызықтырған сұрақтарын қойып, ой бөлісті. Шараға №1,3 орта мектептердің оқушылары мен кітапханашылары  қатысты.        

27 ақпанда  аудандық  орталық  кітапханада  «Бір  ел – бір  кітап  - 2019» Республикалық  оқу  акциясының  салтанатты  ашылуы  өтті. Бұл  шараға қалалық  мектеп, колледж, ауылдық  кітапханаларының  кітапханашылары, Хромтау тау-кен  техникалық  колледжінің  студенттері  мен  оқытушылары қатысты. Жиында  кітапханашылар  Мансия Тымбаева  мен  Тамара Жиембаева Әбіш  Кекілбаев пен  Әбділдә  Тәжібаевтың  өмірбаяндарын, шығармаларын баяндаса,  № 5  Хромтау мектеп  гимназиясының  оқушылары  Ә.Тәжібаевтың өлеңдерін  оқыды. Шара  барысында  кітапхана  дирекоры  Нуртай  Жетесов, «Қазақ тілі»  қоғамының  торайымы Мариям  Жұмағалиева, № 6 Хромтау мектеп  гимназиясының  кітапханашысы Әлия  Елеусізова  сөз сөйлеп, акция жөнінде  және  Әбіш Кекілбаев  пен  Әбділды Тәжібаевтың  шығармалығы туралы  айтып  өтіп , өздерінің  ой – түйіндерімен  бөлісті. Еске  сала кетсек, елімізде  Республикалық  «Бір ел - бір кітап»  акциясы  2007  жылдан  бастап өткізіліп  келеді. Акциясының  мақсаты  –  ұлттық әдебиетіміздегі  ең  үздік деген  туындыны  оқу  және насихаттау, Қазақстанның  әдеби  мұрасын зерттеуге  деген қызығушылықты  дамыту, қоғамның  оқуға  деген  ықыласын көтеру, сонымен  қатар  жасөспірімдердің  зияткерлік  – рухани  дамуына  ықпал жасау.Биылғы  жылғы  «Бір ел - бір кітап»  Республикалық  оқу  акциясына Әбіш  Кекілбаевтың  « Аңыздың ақыры»  романы  мен Әбділдә  Тәжібаевтың лирикалық  поэмалары  таңдалды.    

14 ақпанда №5 Хромтау гимназиясы «Өлкетану» үйірмесінің оқушылары өлке тарихымен танысу мақсатында аудандық кітапханаға келді. Кітапхана директоры Нұртай Жетесов үйірме оқушыларына Қызылсу өңірінде мешіт тұрғызған Ешмұхамбет ишан, өлкедегі қуғын-сүргін, жергілікті байкулактарды кәмпескелеу туралы түсінік беріп, оқушылардың танымдық сұрақтарына жауап берді. Сонымен бірге ауданның тарихынан сыр шертетін өлкетану кітаптарына библиографиялық шолу жасады. Шара соңында халықаралық кітап сыйлау күніне орай кітапхана атынан үйірме жетекшісі, гимназия директоры Рустам Биржановқа естелік кітап сыйға берілді.