Ағымдағы жылдың 17 -мамыр күні «Хромтау аудандық орталықтандырылған кітапханалар жүйесі бойынша »КММ ауылдық кітапхана қызметкерлеріне «Кітапханалардың қызметін жаңғырту» семинары болып өтті. 📌Семинар бағдарламасында: 1. «Кітапхана және отбасылық оқу» 2. «Кітапханадағы кітап оқуды ынталандырудағы көпшілік шаралар». 3. «GoogIe Drive пен жұмыс істеуге арналған 20 лайфхак», «Кітапханалық әлеуметтік желілерді бақылау мен ескертулер». 4. «Жазбаша есептің тәсілдері» туралы айтылып талқыланды. Семинар соңында кітапханашылар өз ойларымен бөлісіп, жазғы мезгілде атқарылатын жұмыстар түрлері нақтыланды. https://www.instagram.com/reel/C7Ei3Olsbbd/?utm_source=ig_web_copy_link&igsh=MzRlODBiNWFlZA==  

Хромтау аудандық балалар кітапханасының ұйымдастыруымен Бердібек Соқпақпаевтың100 жылдығына арналған «Балалар әдебиетінің бәйтерегі» атты оқырмандар конференциясы өтті. Шараға №5 Хромтау гимназиясының 5«А» сыныбының оқушылары мен мектеп кітапханашысы Қонысбаева Гүлжайнар Кеңесқызы қатысты. Балалар жазушысының өмірі мен шығармашылығы туралы бейнероликтер көрсетілді. Оқушылар “Менің атым Қожа” кітабының сюжетін белсенді талқылады, аталмыш шығармадан көріністер қойды. Сондай-ақ, іс-шарада кітапханашы Жиембаева Т.С. сұрақ-жауап ойынын өткізіп, сұрақтар қойып, оқушылардың Бердібек Соқпақбаев шығармашылығынан ойға түйгендерін сарапқа салды. https://www.instagram.com/reel/C6_FWjEssTF/?utm_source=ig_web_copy_link&igsh=MzRlODBiNWFlZA==  

🔰30 сәуір күні аудандық кітапханада қоғам қайраткері Қаныш Сәтбаевтың туғанына 125 жыл толуына орай “Қаныш Сәтбаев мұрасы және рухани құндылықтар” атты конференция өтті. Шараға Хромтау тау - кен техникалық жоғары колледжінің студенттері қатысты. 📚Мақсаты: отандық ғылымның негізін қалаушы Қаныш Сәтбаевтың ғылыми мұрасын насихаттау, ел дамуына елеулі үлес қосқан әйгілі тұлғаның өмір жолдары, еңбектері туралы мол мағлұмат беру. 📚Аталмыш шарада Хромтау аудандық тарихи-өлкетану музейінің кіші қызметкері Жолдыбаева Л.К. және Хромтау тау-кен техникалық колледжінің студенті Тулебекова Ж. ғалымның ізгілікті мұрасы туралы баяндама жасады. Студенттер өз ойларын ортаға салып пікір алмасты. Белсене қатысушыларға алғыс хаттар берілді.