📚 Достар! Хромтау аудандық балалар кітапханасы сіздерді «PHOTO BOOK STORY» флешбугіне қатысуға шақырады! 💫 📖 Флешбук ұраны: «Мен оқыдым – саған да оқуға кеңес берем!» Сүйікті кітабыңмен селфи жаса! 📘 Кітаптың атауы немесе мазмұнын бейнелейтін әдемі композиция құрастырыңыз. 📷 Суретке түсіріңіз. 💬 Оқыған кітабыңыз туралы қысқаша пікір қалдырыңыз. Маңызды шарт: суретте кітаптың атауы анық көрінуі керек. 🗓 Флешбук 2025 жылдың 10 қазанынан 20 желтоқсанына дейін өтеді. 📲 Фотосуреттерді WhatsApp арқылы жіберіңіз: +7 771 186 8646 📸 Барлық суреттер кітапхананың Instagram парақшасында жарияланады. 📸 Ең креативті фотосуреттердің авторлары жыл қорытындысына арналған «Үздік оқырмандар шоқжұлдызы – 2025» атты іс-шарада кітапхананың сыйлығына ие болады! 🌟

Хромтау аудандық тарихи-өлкетану музейі және аудандық кітапханасы бірлесіп 1 қазан- Халықаралық Қарттар күніне орай “Қарттар-өмірдің қазынасы” атты аудандық ардагерлер кеңесінің мүшелеріне арнап мерекелік шара ұйымдастырды. Шара барысында қариялар өмірлік тәжірибелерімен бөлісіп, жастарға тағылымды әңгімелер айтып, ақ баталарын берді. Аудандық тарихи- өлкетану музейінің директоры Амангалиева Н.Ж қонақтарды мерекелерімен құттықтап,алғыс хаттармен марапаттады.Қатысушылар рухани әсер алып, қарым-қатынастың мәнін сезінді. Қариялар көрсетілген сый-құрметке өз ризашылықтарын білдірді. Сонымен қатар, аудандық мәдениет үйінің өнерпазы Бисенов Ғ.Ә. әсем әндерімен қонақтарға көтеріңкі көңіл -күй сыйлады.

«Жазғы оқулар – 2025» акциясы аясында ұйымдастырылған «Кітап оқып, жеңімпаз бол!» атты кітап оқу марафонының марапаттау рәсімі өтті. 1 маусым – 25 тамыз аралығында кітап әлеміне саяхат жасап, білім көкжиегін кеңейткен жас оқырмандарымыз белсенділік танытты. Олардың ішінен ең көп кітап оқыған оқушылар ерекше көзге түсіп, жүлделі орындарға ие болды: 🥇 1 орын – Нұржан Арнат 🥈 2 орын – Абдуллин Даулет 🥉 3 орын – Төрегелді Аяулым Жеңімпаздарымыз арнайы сыйлықтармен марапатталып, құрметке бөленді. 👏🎁 Бұл марафон жасөспірімдерге жазғы демалысын тиімді өткізіп қана қоймай, кітапқа деген сүйіспеншілігін арттыруға үлкен ықпал етті. Әрбір оқырман үшін кітап – білімнің қайнар көзі, рухани байлықтың асыл қазынасы екендігі тағы бір мәрте дәлелденді. 📖✨ Кітап оқы – жеңімпаз бол!