22 тамыз күні Кітапханада қазақ вальсінің королі атанған алты алаштың оң қолын жүрегіне қойғызып, ән салдырған халқымыздың ұлы композиторы Шәмші Қалдаяқовтың 95 жылдығына арналған «Ән падишасы-Шәмші» атты әдеби-сазды кеш ұйымдастырылды. 🔹Мақсаты : әр қазақтың жүрек түкпірінен орын алып, ән әлемімізге жарық жұлдыздай сәуле шашқан вальс королі атанған Шәмші Қалдаяқовтың шығармашылығын кеңінен насихаттап, ұрпақтан-ұрпаққа жеткізу. Кешке аудандық музыка мектебі,аудандық архив және кітапхана қызметкерлері қатысты. Шара барысында Шәмшінің қазақ музыкасына қосқан өлшеусіз үлесі мен өнердегі мәңгілік мұрасы туралы айтылды,сонымен қатар халық сүйіп тыңдайтын туындылар орындалып, көрермендер сүйікті әндерін бірге шырқады. https://www.instagram.com/reel/DNp3UC3o8b4/?utm_source=ig_web_copy_link&igsh=MzRlODBiNWFlZA==

Хромтау аудандық кітапханасының ұйымдастыруымен Абай Құнанбаевтың 180 жылдық мерейтойына орай ұйымдастырылған ашық аспан астындағы мәдени іс-шара 2025 жылдың 8 тамызы күні қаламыздың Абай даңғылында өтті. 📖Шараның негізгі мақсаты — ұлы ойшыл, ақын және ағартушы Абай Құнанбаевтың рухани-мәдени мұрасын насихаттау, ел жастарын поэзия мен өнерге баулу, ұлттық құндылықтарға деген құрметті арттыру болды. 📖Іс-шара аясында «Адамзаттың алыбы – хакім Абай!» поэтикалық марафон, Абай әндерін орындау, кітап көрмесі, қол өнер бұйымдары ұйымдастырылды. Сонымен қатар, Абай өмірі мен шығармашылығына арналған сауалнама жұртшылық назарына ұсынылды. 📖Іс-шараға қала тұрғындары, мектеп оқушылары, студенттер, зиялы қауым өкілдері мен өнерпаздар белсенді қатысты. Бұл мәдени жиын ел руханияты мен тарихына деген құрметтің жарқын көрінісіне айналды. https://www.instagram.com/reel/DNGKPCVMbC-/?utm_source=ig_web_copy_link&igsh=MzRlODBiNWFlZA==

Тамыз айының 8 күні Хромтау аудандық орталық кітапханасының ұйымдастыруымен ұлы ақын Абай Құнанбаевтың 180 жылдығы және Хромтау ауданының 90 жылдығына орай «Мен жазбаймын өлеңді ермек үшін...» атты жазба ақындар байқауы өтті. 📖Байқауға қаламыздың талантты жазба ақындары қатысып, Абай шығармашылығына, оның философиялық мұрасына, сондай-ақ Хромтау өңірінің өткені мен бүгініне арналған өлең-жырларын ұсынды. Байқау өскелең ұрпаққа тағылым беретін, рухани-мәдени тәрбиені арттыратын маңызды шара болды. 📖Байқау барысында қатысушылардың туындылары мазмұны, тіл байлығы, көркемдік ерекшелігі және Абай мұрасымен үндестігі тұрғысынан бағаланды. Жеңімпаздарға арнайы марапаттар мен алғыс хаттар табысталды. Бейнероликті көру үшін сілтемені басу арқылы көре аласыз.