25 сәуір күні аудандық кітапхана қызметкерлері №6 Хромтау гимназиясының ұйымдастыруымен өткен Хромтау ауданының 90 жылдығына арналған «Қазыналы өлкем-Хромтау» атты конференцияға қатысты. Аталмыш шарада оқушыларға өлкетану сипатындағы әдебиеттер ,QR кодты кітаптар ұсынылып,аудан тарихында өзіндік іздерін қалдырған туған өлкенің тарихи тұлғалары туралы баяндалды. Сонымен қатар,туған жердің түлеуі үшін ештеңеден тайсалмаған атпал азаматтар, жергілікті ақын-жазушылар жайында бейнероликтер көрсетілді. Бұл конференция туған өлкенің тарихы мен мәдениетін насихаттауда, сондай-ақ өскелең ұрпақтың бойында патриоттық сезімді қалыптастыруда маңызды рөл атқарды. https://www.instagram.com/reel/DI3oRZsMem7/?utm_source=ig_web_copy_link&igsh=MzRlODBiNWFlZA==  

 5 наурыз күні Халықаралық әйелдер мерекесіне орай зейнеткер кітапханашыларға арналған «Кітапхананың алтын шырақтары» атты дөңгелек үстел ұйымдастырылды. Шараның мақсаты – зейнеткер кітапханашылардың кәсіби өмірі жайлы біле отырып, жас мамандарға кітапхана саласының маңыздылығын тереңірек насихаттау. Шараға арнайы шақырылған Үмітай Диярқызы мен Мансия Кеулімжайқызына шексіз алғысымызды білдіріп, оларға мықты денсаулық, отбастарына амандық тілейміз. Шара соңында жас кітапханашылар құрметті аналарымызға арналған өлең шумақтары мен ана туралы әндерін орындап, ерекше ықылас танытты. Кәсіподақ ұйымының атынан кітапхана директоры Баймұратова Б.Ұ. қонақтарды мерекемен құттықтап, естелік сыйлықтар табыстады. Бұл шара жас мамандар үшін үлкен тағылым, ал зейнеткер кітапханашыларымыз үшін ерекше құрметке толы болды. https://www.instagram.com/reel/DG0J26BMUAr/?utm_source=ig_web_copy_link&igsh=MzRlODBiNWFlZA==

📚Хромтау аудандық кітапхана қызметкерлері "Ардагерлер ұйымы" Республикалық қоғамдық бірлестігінің Хромтау аудандық филиалына арнайы барып, ұзақ жылдар ауданның әлеуметтік дамуы мен қоғамдық өміріне белсенді атсалысқан қазіргі таңда зейнет жасындағы ардагерлерді Алғыс айту күнімен құттықтап, ізгі лебіздерін білдірді. Аудандық мәдениет үйінің әншісі Ғ.Ә.Бейсенов домбырамен ән шырқады. Сонымен қатар, Жылжымалы кітапхана ұйымдастырылып белгіленген мерзімге көркем әдебиеттер мен журналдар берілді. Ардагерлер ұйымының басшысы Қ.Қ.Биржанов кітапхана қызметкерлеріне алғысын білдіріп,үлкендер ризашылық батасын берді. Толығырақ