31 мамыр – Саяси қуғын-сүргін және ашаршылық құрбандарын еске алу күніне орай кітапханада «Нәубет жылдар – халық қасіреті» атты тарихи-танымдық конференция өтті. Мақсаты: жас ұрпаққа халқымыздың ауыр тарихын жеткізіп, елін сүйетін, жерін қорғайтын азамат тәрбиелеу. 📖 Шараға қатысушылар: • Жақсылықова Шолпан Жайылханқызы: жерлесіміз Қуандық Жездібаевтың ауыр тағдыры туралы сыр шертті. • Жолдыбаева Лаура Қожахметқызы: ашаршылық пен қуғын-сүргін зардаптары туралы баяндады. • Бақбергенова Гүлнұр Темірханқызы: ХХ ғасырдың І жартысындағы ашаршылықтың себеп-салдарына тоқталды. Бұл күн – тарихымызды еске алып, жазықсыз құрбан болғандарға тағзым ету күні. https://www.instagram.com/reel/DKPasp_steg/?utm_source=ig_web_copy_link&igsh=MzRlODBiNWFlZA==

Кітапханада 15 мамыр Халықаралық Отбасы күніне орай Қазбаевтар «Наз» отбасылық ансамблінің мүшелері Қазбаев Нұрлан Мырзабайұлы, Қазбаева Жанар Мұратқалиқызы және балалары Айару, Нұртөренің қатысуымен «Отбасы-бақыт мекені» тақырыбында сұхбат кеш ұйымдастырылды.Аталмыш шарада «Ұлағатты отбасы-ұрпаққа аманат» айдарымен кітап көрмесі безендіріліп, отбасындағы шаңырақ шуағының құпиясы неде, бала тәрбиесі, отбасы бақыты туралы сұрақтар төңірегінде пікір алмасты. Қазбаевтар «Наз» отбасылық ансамблі аудан тұрғындарына әсем әндерді орындаушы ретінде жақсы таныс. Сахна төрінде көрермендердің жүрегіне әдемі әндерді тебірене жеткізетін өнер иелері көптеген аудандық, облыстық марапаттарға ие. Шара соңында кітапхана директоры Баймұратова Бибігүл Ұзақбайқызы мерекемен құттықтап, қонақтарға алғысын білдірді, сондай –ақ, өнерлі, өнегелі отбасы қонақ иелерінен «қонақ кәде» сұралып ән шырқалды. 🔸Отбасының басты міндеті – бала тәрбиесі. «Еңбек етсе кімде-кім, алтын жеміс тереді» демекші еңбегіміздің жемісі көңілдегідей болсын. Отбасының жемісі - тәрбиелі ұл - қызы демекші,мақтан етер, дендері сау, саналы, иманды ұрпағымыз көбейсін!-деген ізгі тілектермен кеш өз мәресіне жетті. Толығырақhttps://www.instagram.com/reel/DJo8auco6l5/?utm_source=ig_web_copy_link&igsh=MzRlODBiNWFlZA==

8 мамыр күні кітапханада Ұлы Отан соғысындағы Жеңісінің 80 жылдығына орай «Ерлік-елге мұра,ұрпаққа ұран» жыр мүшәйрасы өтті. 🔰Мақсаты: жеңісті жырлау, батырлар ерлігін насихаттау,жыр өнерін дамыту, жас ақындардың шығармашылығына қолдау көрсету. Тарихи тұлғалардың ерлігі арқылы ұлттық рухты ояту. Шараға Хромтау ауданының жергілікті жас ақыны,әлем халықтары жазушылар одағының мүшесі, әлем халықтары жазушылар одағының мүшесі Сағыныш Оразайқызы, Хромтау аудандық «Қазақ тілі» қоғамының төрағасы Сағынжанұлы Айбол, қала мектептерінің мұғалімдері, оқушылары қатысты. 🔰Жыр мүшәйрасы 2 кезең бойынша өткізілді. - Белгілі бір ақынның Жеңіс туралы өлеңін жатқа оқу. - Жеңіс туралы өзінің туындысын оқу. Әділқазылар алқасы үміткерлердің өнерін бағалау барысында өлеңнің таңдау талғамына, сөз қолданысына, ұйқасына, тіл тазалығына мән берді. 🔰Жыр мүшәйрасының қорытындысы бойынша төмендегідей жүлделі орындар анықталды: І орын- Тайбатыров Мухаммед- №6 Хромтау гимназиясының оқушысы. ІІ орын - Жайылханова Аида -№4 Хромтау орта мектебінің оқушысы. ІІІ орын - Сағынжан Іңкәр- Никельтау орта мектебінің оқушысы. Жеңімпаздар дипломдармен,алғыс хаттармен, естелік сыйлықтармен марапатталды. Толығырақ сілтемені басу арқылы көре аласыздар https://www.instagram.com/reel/DJYzhOTMoDa/?utm_source=ig_web_copy_link&igsh=MzRlODBiNWFlZA==