2026 жылғы 15 қыркүйек күні Хромтау аудандық мәдениет, тілдерді дамыту, дене шынықтыру және спорт бөлімі мен Хромтау аудандық кітапханасының ұйымдастыруымен Хромтау аудандық кітапханасында өзге ұлт өкілдері арасында «Тіл – тарихтың айнасы» атты байқау өткізілді. 🎉 🎯 Байқаудың негізгі мақсаты – мемлекеттік тілдің мәртебесін көтеру, өзге ұлт өкілдерінің қазақ тіліне деген қызығушылығын арттыру, тіл мәдениетін дамыту және қатысушылардың шығармашылық қабілеттерін қолдау. 👥 Байқауға 7 қатысушы қатысып, өз бақтарын сынады. 🏆 Сайыс 4 кезең бойынша ұйымдастырылды: 1️⃣ «Таныстыру» 2️⃣ «Мақал-мәтел» 3️⃣ «Тіл – тарихтың айнасы» 4️⃣ «Өз өнері» 🎤🎭 ✨ Қатысушылар әр кезеңде өздерінің білімдерін, тапқырлықтарын және шығармашылық қабілеттерін көрсетті. 💫 Әр кезең қызықты әрі тартысты өтіп, қатысушылардың қазақ тілінде еркін сөйлеу дағдылары мен ұлттық құндылықтарға деген құрметін байқатты. 🥇 Байқау қорытындысы бойынша: 🏆 І орын – Ақжар орта мектебінің 11-сынып оқушысы Иванова Светлана 🥈 ІІ орын – Ширяева Тамара 🥉 ІІІ орын – Семенко Григорий 🌟 Сондай-ақ белсенділік танытқан қатысушылар арнайы номинациялар бойынша марапатталды.

15 қыркүйек күні Хромтау аудандық кітапханасында өткен «Тіл – тарихтың айнасы» байқауы барысында қатысушыларға «Оқитын ұлт» республикалық кітап оқу марафоны туралы ақпарат берілді. 📖 💡 Марафонның мақсаты – кітап оқуды насихаттау, оқу мәдениетін арттыру және оқырмандарды отандық әдебиетке қызықтыру. 📱 Шараға қатысушылар марафонға қызығушылық танытып, тіркеуден өтті. ✅ 📖 Кітап оқыған ұлт – рухани бай ұлт! 🌟 Сіз де «Оқитын ұлт» марафонына қосылыңыз!

11 қыркүйек күні Отбасы күніне арналған «Ұмытылған ұлттық дәстүрлер: тәрбие мен тағылым» атты этнографиялық таным сағаты өтті. 🎯 Мақсаты: Ұлттық салт-дәстүрлер мен әдет-ғұрыптардың отбасы тәрбиесіндегі маңызын түсіндіру, қазақ халқының отбасылық дәстүрлерін, ұлттық тәрбиесі мен ата-баба жолын жас ұрпаққа насихаттау. 👥 Шараға Мектептен тыс білім беру орталығы үйірмелерінің ата-аналары және аудандық балалар бөлімінің оқырмандары қатысты. 🏺 Таным сағаты аясында арнайы этнографиялық бұрыш ұйымдастырылып, қазақ халқының ұлттық бұйымдары таныстырылды. 🎥 Қазақтың ұмытылып бара жатқан салт-дәстүрлері мен жөн-жоралғылары туралы қысқаша бейнеролик көрсетілді. 💡 Қатысушыларға танымдық сұрақтар қойылып, ұлттық дәстүрлерге қатысты білімдері сыналды. 🎁 Белсенділік танытқан оқырмандарға естелік сыйлықтар табыс етілді. ❤️ Ұлттық құндылықтарды дәріптеу – ұрпақ тәрбиесінің берік негізі. 🌸 Дәстүр – ұлттың рухани қазынасы, отбасы – тәрбиенің алтын бесігі!