Хромтау аудандық тарихи-өлкетану музейі және аудандық кітапханасы бірлесіп 1 қазан- Халықаралық Қарттар күніне орай “Қарттар-өмірдің қазынасы” атты аудандық ардагерлер кеңесінің мүшелеріне арнап мерекелік шара ұйымдастырды. Шара барысында қариялар өмірлік тәжірибелерімен бөлісіп, жастарға тағылымды әңгімелер айтып, ақ баталарын берді. Аудандық тарихи- өлкетану музейінің директоры Амангалиева Н.Ж қонақтарды мерекелерімен құттықтап,алғыс хаттармен марапаттады.Қатысушылар рухани әсер алып, қарым-қатынастың мәнін сезінді. Қариялар көрсетілген сый-құрметке өз ризашылықтарын білдірді. Сонымен қатар, аудандық мәдениет үйінің өнерпазы Бисенов Ғ.Ә. әсем әндерімен қонақтарға көтеріңкі көңіл -күй сыйлады.

«Жазғы оқулар – 2025» акциясы аясында ұйымдастырылған «Кітап оқып, жеңімпаз бол!» атты кітап оқу марафонының марапаттау рәсімі өтті. 1 маусым – 25 тамыз аралығында кітап әлеміне саяхат жасап, білім көкжиегін кеңейткен жас оқырмандарымыз белсенділік танытты. Олардың ішінен ең көп кітап оқыған оқушылар ерекше көзге түсіп, жүлделі орындарға ие болды: 🥇 1 орын – Нұржан Арнат 🥈 2 орын – Абдуллин Даулет 🥉 3 орын – Төрегелді Аяулым Жеңімпаздарымыз арнайы сыйлықтармен марапатталып, құрметке бөленді. 👏🎁 Бұл марафон жасөспірімдерге жазғы демалысын тиімді өткізіп қана қоймай, кітапқа деген сүйіспеншілігін арттыруға үлкен ықпал етті. Әрбір оқырман үшін кітап – білімнің қайнар көзі, рухани байлықтың асыл қазынасы екендігі тағы бір мәрте дәлелденді. 📖✨ Кітап оқы – жеңімпаз бол!

«Кітап тайм – 2025» IV жалпы республикалық кітап фестивалі аясында аудандық кітапханада ерекше форматтағы шара – Библио-кафе «Кітап дәмханасы» ұйымдастырылды. Шараға №2 мектеп-гимназиясының оқушылары қатысты. Балалар кітапхананың кітап дәмханасына қонақ болып келіп, мәзір бойынша «тапсырыс» берді. Әр тапсырыс – қызықты тапсырмалар мен ойын түрінде ұсынылды. Оқушылар мақал-мәтелдерге, жұмбақтарға жауап беріп, әдеби ойындарға қатысып, өз білімдері мен тапқырлықтарын сынады. Іс-шара барысында «Кітап – білім бұлағы», «Даналықтың асыл қазынасы», «Ғылым әлеміне саяхат», «Шытырман оқиғалар әлемі», «Әдеби хайуанаттар бағы» атты кітап көрмелеріне шолу жасалып, оқушылар түрлі тақырыптағы кітаптармен танысты. Сонымен қатар, кітапханашылар балаларды кітапхана ережелерімен де таныстырды. Жазғы демалыс кезеңінде көп кітап оқып, белсенділік танытқан оқырмандар «Жазғы оқулар – 2025» акциясы аясында марапатталып, ынталандыру сыйлықтарына ие болды. Бұл шара балалардың кітап оқуға деген қызығушылығын арттырып қана қоймай, кітапхана мен оқырман арасындағы байланысты нығайтты.