Халықаралық жастар күніне орай Хромтау аудандық жастар ресурстық орталығы мен аудандық кітапхананың бірлесіп ұйымдастыруымен жастар арасында BOOK BATTLE интеллектуалдық ойыны өтті. 📖✨ Тартысты додаға №5 Хромтау гимназиясы мен №1 Хромтау орта мектебінің жас мамандары қатысып, өз білімдері мен логикалық ойлау қабілеттерін сынады. 🧠🔥 Қатысушылар арасында білім мен жылдамдық сынға түсіп, тартысты жарыс жоғары деңгейде өтті! 💪 🏆 Жарыс қорытындысы бойынша №1 Хромтау орта мектебі жеңіске жетті! Жеңімпаздарға арнайы сыйлықтар, ал белсенді қатысушыларға алғыс хаттар табысталды. 🎁📜 Барша қатысушыларға белсенділіктері үшін алғыс білдіреміз! Білім додасында бақтарыңыз жана берсін! ✨📚

Абай ауылында ұлы ақын, ойшыл, ағартушы Абай Құнанбайұлының рухани мұрасын дәріптеуге арналған «Абай даналығы – халық мұрасы» атты ашық аспан астындағы кітап көрмесі ұйымдастырылып, Абай ескерткіші алдында салтанатты шара өтті. Тағылымды жиында аудан әкімінің орынбасары Қасымхан Мұстапа сөз сөйлеп, Абай мұрасының ұлттық руханияттағы орнына, өскелең ұрпақ тәрбиесіндегі маңызына тоқталды. Шара барысында жастар ұлы ойшылдың қара сөздері мен өлеңдерін жатқа оқып, оның терең тағылымға толы шығармаларын көпшілік назарына ұсынды. Мәдениет үйінің өнерпаздары Абай әндерін орындап, жиынның рухани мазмұнын арттыра түсті. Ашық аспан астындағы кітап көрмесіне Абайдың шығармалары, ақынның өмірі мен мұрасына арналған әдебиеттер қойылып, тұрғындарға таныстырылды. Абайдың адамгершілік, білім, еңбек, бірлік пен елдік туралы ойлары – уақыт өткен сайын құндылығы арта түсетін халық мұрасы. Ұлы ойшылдың тағылымын дәріптеу – ұлттық құндылықтарды ұлықтап, жас ұрпақтың рухани дүниесін байытудың маңызды бағыты.

2026 жылғы 23 шілдеде Хромтау аудандық кітапханасының ұйымдастыруымен Бөгетсай ауылдық модельді кітапханасында кітапхана қызметкерлеріне арналған аудандық семинар-тренинг өтті. Семинардың мақсаты – кітапхана ісіндегі заманауи тәжірибелермен таныстыру, кәсіби тәжірибе алмасу және жасанды интеллект мүмкіндіктерін кітапхана жұмысында тиімді қолдануды насихаттау. Іс-шара барысында қатысушылар кітапхана жұмысымен танысып, тәжірибе алмасты. Семинарда: 🔹 Айзада Төлегенқызы Утешова – «Жасанды интеллект мүмкіндіктері»; 🔹 Баян Тойбазарқызы Абиева – «Жобалық қызмет – ізденіс пен жетістік»; 🔹 Ақмарал Нұрмұханбетқызы Карина – «Тассай ауылдық кітапханасы: тәжірибе мен жаңашылдық» тақырыптарында баяндама жасап, өз тәжірибелерімен бөлісті. Сонымен қатар, Абай ауылдық кітапханасының кітапханашысы Алия Мұратбекқызы Сағымбаева сергіту сәтін ұйымдастырып, қатысушыларға көтеріңкі көңіл күй сыйлады. Семинар аясында Қазақстан Республикасы Конституциясының қабылданғанына арналған ақпараттық-танымдық бөлім өткізіліп, Ата Заңның қоғамдағы орны, оның азаматтардың құқықтары мен бостандықтарын қамтамасыз етудегі маңызы тура