18 мамыр – Халықаралық музей күніне орай Хромтау аудандық орталық кітапханасының ұжымы Хромтау аудандық тарихи-өлкетану музейінің қызметкерлерін кәсіби мерекелерімен құттықтады. Іс-шара барысында музей саласының мамандарына ізгі тілектер айтылып, рухани-мәдени мұраны сақтау жолындағы еңбектеріне алғыс білдірілді. Кітапхана ұжымы арнайы сый-сияпат табыстап, мерекелік көңіл күй сыйлады. Мәдениет пен руханият саласында бірлесе қызмет етіп жүрген қос ұжымның ынтымақтастығы алдағы уақытта да жалғасын таба бермек. https://www.instagram.com/reel/DYe9jRFoznW/?utm_source=ig_web_copy_link&igsh=MzRlODBiNWFlZA==

Хромтау аудандық орталық кітапханасы ақын Сағи Жиенбаевтың шығармашылығына арналған «Даламның иісі бұрқырап…» облыстық кітапханалар арасындағы мюзикл фестиваліне қатысып, арнайы диплом және статуэткамен марапатталды. Сағи Жиенбаев атындағы жасөспірімдер кітапханасы ұйымдастырған фестиваль өнер мен әдебиетті ұштастырып, кітапхана мамандарының шығармашылық қабілеттерін танытуға мүмкіндік берді. Әріптестерімізді жетістіктерімен құттықтаймыз!  

 Аналар күніне орай ұйымдастырылған «Аналар күні – махаббат пен алғыстың мерекесі» атты қонақжай кеші жоғары деңгейде өткізілді. 📚 Іс-шараның мақсаты – анаға деген құрметті арттыру, отбасы құндылықтарын насихаттау, аналардың қоғамдағы рөлін дәріптеу және жас ұрпақты мейірімділікке, ізгілікке тәрбиелеу. 👩‍👩‍👧 Кеш қонақтары: Кунтаева Нұршат Жомартқызы мен Серікбаева Гүлсезім Мұратқызы қатысты. 🎶 Кеш барысында аналарға арналған әндер шырқалып, қатысушылар ана туралы әсерлі ойларымен бөлісіп, мерекелік құттықтауларын арнады. Сонымен қатар 📖 қызықты мақал-мәтел ойындары мен ❓сұрақ-жауаптар ұйымдастырылып, аналарға көтеріңкі көңіл-күй сыйланды. ✨ Шараға кітапхана оқырмандары, аналар және көпшілік қауым қатысып, мерекелік кеш ерекше әсерге бөленді. 📚 Кеш соңында «Ана бейнесі – көркем әдебиетте» атты кітап көрмесіне шолу жасалып, аналарға алғыс айтылып, ізгі тілектер білдірілді.