📅 26 маусым күні Хромтау аудандық кітапханасында жастар арасында «Есірткісіз болашақ» тақырыбында пікір алмасу ұйымдастырылды. 🎯 Шараның мақсаты: жастар арасында есірткіге тәуелділіктің алдын алу, салауатты өмір салтын насихаттау және есірткі қылмыстарының қоғамға тигізетін зардаптары туралы кеңінен ақпарат беру. 📖 Іс-шара барысында: 🔹 жастар зиянды әдеттердің адам денсаулығына, болашағына және қоғамға тигізетін кері әсері туралы пікір алмасты; 📚 тақырыптық кітап көрмесі ұйымдастырылды; 🎥 танымдық бейнеролик көрсетілді. 💬 Шара соңында қатысушыларға есірткінің адам өміріне, денсаулығына және қоғамға тигізетін зияны жан-жақты түсіндіріліп, әр адамның саналы таңдау жасап, салауатты өмір салтын ұстануының маңыздылығы айтылды. ✨ Болашағымыз – өз қолымызда! Есірткісіз өмірді таңдайық!

Хромтау аудандық кітапханасы ұйымдастырған «Ашық аспан астындағы кітапхана» шарасында оқырмандарға түрлі әдебиеттер ұсынылып, 3D кітаптар көрмесі таныстырылды. Қатысушылар танымдық ойындарға қатысып, QR-код арқылы онлайн сауалнамаға жауап берді. 📖 Кітап пен оқырманды жақындастырған шара қызықты әрі мазмұнды өтті.

Хромтау аудандық кітапханасында «Хромтау аудандық мәдениет, тілдерді дамыту, дене шынықтыру және спорт бөлімі» ММ басшысы Амантурлиев Бостан Бадиканович кітапхана қызметкерлерімен кездесу өткізді. Кездесу барысында кітапхана саласының өзекті мәселелері, алдағы жоспарлар мен мәдени-ағарту жұмыстарының бағыттары талқыланды. Сонымен қатар, кітапхана қызметін жетілдіру, оқырмандарға көрсетілетін қызмет сапасын арттыру және заманауи жобаларды жүзеге асыру мәселелеріне назар аударылды.