31 қаңтар күні Хромтау тау-кен техникалық жоғары колледжінің студенттері аудандық орталық кітапханаға саяхат жасады. 🔹Аудандық кітапханашылар алдымен студенттерге кітапхананың жұмысымен, кейін кітапханадағы кітаптардың оқылу тәртібін түсіндірді. Сондай-ақ, студенттерге оқу залындағы республикалық «Бір ел- бір кітап» және облыстық «Оқитын өлке» акциялары аясында ұйымдастырылып отырған кітап көрмесі туралы қызмет көрсету бөлімінің меңгерушісі Баян Абиева акцияның мақсатын түсіндіріп, мәлімет берді. Сонымен қатар, биылғы республикалық «Бір ел-бір кітап» акциясы аясында қазақ жазушысы, балалар әдебиетінің классигі Бердібек Соқпақбаев шығармашылығын қызығып оқуға, қоғамдық шараларға белсене қатысуға шақырды. 🔸Студенттерге жергілікті ақын-жазушылардың шығармашылығын танып білу мақсатында “Қаламы жүйрік жерлестер” атты бейнеролик корсетілді. Жергілікті ақын Қызмет Нұралиннің 85 жылдығына орай «Өңірін өлеңмен өрнектеген» атты поэзия сағаты,кітап көрмесі ұйымдастырылып, өмірі мен шығармашылығына кітапханашы Бейбіткүн Каметияқызы шолу жасады. Сонымен қатар,аудандық және ауылдық кітапханашылардың бірлесе ат салысуымен әзірленген “Өлеңмен өрілген өмір “поэтикалық марафонға қатысқан оқырмандардың өлең оқу бейне жазбасы көрсетілді. 🔸Бойына ақын, жазушылардың шығармашылығынан рухани азық алған студенттер, қолдарына бір-бір кітап алып қайтты. https://www.instagram.com/reel/C21UdYyNe4a/?utm_source=ig_web_copy_link&igsh=MzRlODBiNWFlZA==

Ағымдағы жылдың 26 -қаңтар күні «Хромтау аудандық орталықтандырылған кітапханалар жүйесі бойынша »КММ ауылдық кітапхана қызметкерлеріне  «Жыл қортындылары:Іске асырылған жоспардан-2024 жылдың идеялары» Zoom флеш-семинары болып өтті. Семинарда 2023 жылдың жұмыс қорытындысын жасап,биылғы 2024 жылдың жұмыс жоспарымен таныстырып,бағыт- бағдар беру. Семинарға «Хромтау аудандық орталықтандырылған кітапханалар жүйесінің»КММ -ге қарасты 16 -ауылдық кітапхана қызметкерлері қатысты. Бағдарлама бойынша сөзді «Хромтау аудандық орталықтандырылған кітапханалар жүйесінің»КММ -нің директоры Баймұратова Б.Ұ сөз алса,кітапханаларды дамыту бөлімінің әдіскері -Қазбаева Ж.М – «Кітапханада көпшілік іс-шараларды ұйымдастырудың түрлері» туралы слайд арқылы түсіндіріп өтті. Сонымен қатар ескі әдебиеттерді қордан шығару ережелері туралы -кітап қорын өңдеу және толықтыру бөлімінің меңгерушісі Айтанатова Ж.Б.кітапхана қорынан мазмұны бойынша ескірген кітаптарды шығару туралы түсіндірме жұмыстарын жүргізді. Кітапханашыларды дамыту бөлімінің меңгерушісі Беркимбаева Д.Б.2024 жылдың өзгертілген көрсеткіштеріне тоқталды. Семинар барысында кітапхана қызметкерлері өз ойларымен бөлісіп,алдағы уақытта атқарылатын жұмыстарын нақтылады. https://www.instagram.com/p/C2ojZ3FNtSf/?utm_source=ig_web_copy_link&igsh=MzRlODBiNWFlZA==

Құрметті оқырмандар! Назарларыңызға жергілікті ақын Қызмет Нұралиннің 85 жылдығына арналған  "Өлеңмен өрілген өмір"атты поэтикалық марафонды ұсынамыз. Толығырақ кітапхананың инстаграм парақшасынан көре аласыздар.